Canva app டிசைனராகும் அரசு பள்ளி மாணவர்கள்

நம் பள்ளி தகவல் தொழில்நுட்ப மன்றம் மூலம் மாணவர்களுக்கு, இக்காலத்திற்கு ஏற்ற பல்வேறு கணினி மற்றும் இணையம் தொடர்பான பயிற்சிகள் அளிக்கப்பட்டு வருகிறது.

அதன் தொடர்ச்சியாக,

 Canva என்னும் மென்பொருள் மூலம் கற்றலுக்கு தேவையான வளங்களை உருவாக்க முடிவெடுக்கப்பட்டு,நேற்று(23-12-2022) மன்றத்தினருக்கு,

*Canva app installation

*Canva account creation

*Canva students pro activation

*Joining Canva classrooms

*Editing posters 

ஆகியன குறித்த பயிற்சி அளிக்கப்பட்டது.ஆர்வமுடன் பங்கேற்ற மாணவர்கள்,இரண்டாம் பருவ விடுமுறையான முதல் நாளான இன்றே தங்களது படைப்புகளை தகவல் தொழில்நுட்ப மன்றக் குழுவில் பகிரத் தொடங்கி விட்டனர்.இதன் அடுத்த கட்டமாக மாணவர்களை கல்வி தொடர்பான போஸ்டர்கள் தயாரிக்க தொடர்பணி வழங்கத் திட்டமிடப்பட்டுள்ளது.

முயற்சிகள் மேற்கொண்டுள்ள அனைத்து மாணவர்களுக்கும்,பள்ளியின் ICT club சார்பாக வாழ்த்துகளும் அன்புகளும்❣️❣️❣️

மாணவர்களின் படைப்புகளில் சில,

CUBயின் கொடையுள்ளத்துக்கு பெருநன்றிகள்;SmartClass Inauguration

மீள்பதிவு

மூன்றாண்டுகளுக்கு முன் நடந்த

ஆகச்சிறப்பான விழா குறித்த முகநூல் பதிவு.

பெருநன்றிகள் சிட்டி யூனியன் வங்கி❣️❣️

“தாமின் புறுவது உலகின் புறக்கண்டு

காமுறுவர் கற்றறிந் தார்” என்ற உயரிய சிந்தனையில் CUB கும்பகோணமானது எம் பள்ளி மாணவர்களின் நலன் சார்ந்த விடயங்களில் இந்நிதியாண்டில் மட்டும் சற்றேறக்குறைய பனிரெண்டு லட்ச மதிப்பில் மூன்று வகுப்பறைகளை சீரமைத்தல்,மாணவர் மற்றும் ஆசிரியர்களுக்கு தேவையான தளவாட பொருட்கள் மற்றும் முத்தாய்ப்பாக சீர்மிகு வகுப்பறையாக(smart class) இரண்டு வகுப்பறைகளை மாற்றியமைத்துள்ளனர்.

மேலும் எம் பள்ளியின் KG குழந்தைகளுக்கு வண்ணமயமான சீருடைகளுக்கு உதவிய ஆங்கில பட்டதாரி ஆசிரியரின் உறவினருக்கும்,

CUB நிறுவனத்திற்கு எம் குழந்தைகளின் சார்பில் பெருநன்றியும் பெருமகிழ்வும்❤️❤️❤️

சிறப்பு வாய்ந்த முப்பெரும் விழாவின் சிறப்பு விருந்தினராய் இருந்தும்

எம் பள்ளியின் வளர்ச்சியில் உறுதுணையாய் நிற்கும் CUBயின் பொதுமேலாளர் திருமிகு ரமேஷ்,ஆடிட்டரும் எம்பள்ளி ஆங்கில பட்டதாரி ஆசிரியை Sudha Raman அவர்களின் கணவருமான திருமிகு மாருதிராமன்,EBIX smart classesன் மேலாளர் திருமிகு தேவன்,

பள்ளி மற்றும் கிராம வளர்ச்சியில் பெருந்துணையாற்றும் பெற்றோர் ஆசிரியர் கழகத்தலைவர் திருமிகு KKS ராஜவேலு,

உதவி வேளாண் அலுவலரும்(ஓய்வு) தலைமையாசிரியர் Suganthi அவர்களின் கணவருமாகிய திருமிகு குமணன் மற்றும் ஓய்வு பெற்ற தலைமையாசிரியர் திருமிகு ஜம்புநாதன் அவர்களுக்கும்,வந்திருந்த அருகமை பள்ளி ஆசிரியர்களுக்கும் பெற்றோர்களுக்கும்,முன்னாள் மாணவர்களுக்கும் பெருநன்றிகள்❤️❤️❤️

குழந்தைகள் தினம் 2022

பேரன் பிறந்த போது மன்னிப்பு கேட்டால் வெளிவிடுகிறோம் என்று சுமார் 3269நாட்கள் சிறையில் கழித்த நேருவிடம் சொன்ன ஆங்கிலேய ஆதிக்கத்தை புறந்தள்ளியவர்,சாலையில் தூரத்தில் போலீஸ் வாகன வெளிச்சத்தில் இந்திரா கைகளில் தவழ்ந்த ராஜீவை கண்டு மகிழ்ந்து "இவர்கள் வெளிச்சத்தில் வாழ தான் நாங்கள் இருளில் உழல்கிறோம்" என கடிதம் எழுதினார்.

அந்த ஆசியஜோதியின் வெளிச்சத்தில் நேற்று (14-11-2022) அவர்தம் பிறந்ததினத்தில்,

எங்கள் பள்ளி குழந்தைகளின் கவிதை,பேச்சு,பாடல் மழையில் நனைந்து,அவர்களோடு நேற்றைய நாளினை கொண்டாடி மகிழ்ந்தோம்.

celebration video

The Red Balloon-திரையிடல்

தமிழ்நாடு அரசின் வழிக்காட்டலில் நம் பள்ளியில் ஆஸ்கார்,கேன்ஸ் போன்ற பல்வேறு விருதுகளை குவித்த பிரெஞ்ச் குழந்தை திரைப்படமான "தி ரெட் பலூன்' 13-10-2022 அன்று திரையிடப்பட்டது,

திரையிடலின் இறுதியில் ஆசிரியர்கள் மற்றும் மாணவர்களிடையே கருத்துகள் பரிமாற்றிக் கொள்ளப்பட்டன.

சிறப்பு காய்ச்சல் முகாம்-2022

பரவி வரும் இன்ஃப்ளுயன்சா காய்ச்சலை கட்டுப்படுத்தும் விதமாக,

தமிழ்நாடு முதலமைச்சரின் வழிக்காட்டுதலின்படி,

தமிழ்நாடு அரசின் சுகாதார துறையின்,பெரும்பனையூர் ஆரம்ப சுகாதார நிலையத்தில் இருந்து மருத்துவக் குழு இன்று (22-09-2022) நம் பள்ளியின் அனைதது மாணவர்களையும் பரிசோதித்து,காய்ச்சல் மற்றும் சளியுள்ள மாணவர்களுக்கு மருந்துகள் வழங்கினர்.மேலும் இது போன்ற பரவிடும் நோய்களில் இருந்து நம்மை தற்காத்துக் கொள்ள ஆலோசனைகளையும் வழங்கினர்.

ICT Clubன் நன்றி

நம் பள்ளிக்கு எது தேவையென்றாலும் நாம் கேட்டவுடன் செய்யும் மனமும் வளமும் உடைய நிறுவனம் சிட்டி யூனியன் வங்கி,கும்பகோணம் மற்றும் அந்நிறுவனத்துடன் நம் பள்ளிக்கு நெருங்கிய பந்தத்தை ஏற்படுத்தி தந்து,தம் உறவினர்கள் மூலமாகவும் நம் பள்ளி தேவைகளை பூர்த்தி செய்யும் நம் பள்ளியின் ஆங்கில பட்டதாரி ஆசிரியை திருமதி.இரா.சுதா மற்றும் அவர்தம் இணையர் திரு.மாருதிராமன்(CUB, KUMBAKONAM) அவர்களின் மகள் சுரபி ராமன் அவர்கள்,

நம் பள்ளியின்

 ICT Club ற்கு தேவையான Dual Lavlior contensor microphone மற்றும் 150MBpS திறன்கொண்ட TP Link WiFi dongle ஆகியவற்றை அளித்துள்ளார்கள்,அவர்கள் நம் பள்ளியின் ICT Club சார்பாகவும்,தலைமையாசிரியர் மற்றும் ஆசிரியர்கள்,மாணவர்கள் சார்பாக பெருநன்றியும் பேரன்பும்💐💐💐

தேசிய குடற்புழு நீக்க நாள்-2022

மாணவர்கள் நல்ல உடல்நலத்துடன் இருந்தால் தான்,மனநலன் மிக்கவர்களாக இருக்கமுடியும்.அப்போது தான் அவர்களால் கற்றலில் முழு ஈடுபாட்டோடு இருக்க முடியும் என்பதால் தமிழ்நாடு அரசு, தனது சுகாதாரத் துறையின் மூலம் ஆண்டுக்கு இருமுறை குடற்புழு நீக்கல் மாத்திரைகளை விலையின்றி அரசு பள்ளி மாணவர்களுக்கு அளிக்கிறது.

அதன் தொடர்ச்சியாக நம் பள்ளியில் பயிலும் 1-8 வகுப்பு மாணவர்கள் அனைவருக்கும் "தேசிய குடற்புழு நீக்கல் நாளான" இன்று 09.09.2022 பெரும்பனையூர் சுகாதார நிலைய செவிலியர் அவர்களால் குடற்புழு நீக்க மாத்திரைகள் வழங்கப்பட்டன.

தூய்மை வாரம்

தூய்மை இந்தியா திட்டத்தின்படி,கல்வி நிறுவனங்களில் தூய்மை வாரம் கடைப்பிடிக்க மாவட்ட மற்றும் வட்டார கல்வி அலுவலர்களின் அறிவுறுத்தலின் படி  நம் பள்ளியில் தூய்மை சார்ந்த செயல்பாடுகள் தினமும் நடத்தப்படுகிறது.அதன் ஒரு நிகழ்வாக 3-8வகுப்பு மாணவர்களுக்கு ஓவியம் மற்றும் பாட்டு போட்டி நேற்று(07.09.2022) நம் பள்ளி வளாகத்தில் நடத்தப்பட்டது.

மேலும் ஆசிரியர்கள் தூய்மை மற்றும் சுகாதாரம் குறித்த பல்வேறு கருத்துகளை மாணவர்களிடம் பகிர்ந்து கொண்டனர்.

ஜெனிவா உடன்படிக்கை நாள் போட்டிகள்2022

நேற்று வட்டார அளவில், இளையோர் செஞ்சிலுவை சங்கத்தின் சார்பாக, ஜெனிவா உடன்படிக்கையை நினைவுகூறும் விதமாக நடத்தப்பட்ட போட்டியில் நம் பள்ளி மாணவர்கள் பங்கேற்று வெற்றியும் பெற்றனர், போட்டிகளில் பங்கெடுத்த மற்றும் வென்ற மாணவர்களை பாராட்டிய போது,

மூன்றாமிடம் பெற்ற மாணவர்: பேச்சுப்போட்டி, ஜெ.ரஹோத்தமன் 8ம் வகுப்பு,

முயற்சி செய்தவர்கள்:

கட்டுரைப்போட்டி:ம.வைஷ்ணவி 8ம் வகுப்பு

ஓவியப்போட்டி:த.கவின்குமார் 7ம் வகுப்பு.

சுதந்திர தினம் 2022

எம் பள்ளியில் நடைப்பெற்ற 2022ஆம் ஆண்டின் சுதந்திர தின கொண்டாட்டத்தின் காணொளி தொகுப்பு 🇮🇳🇮🇳🇮🇳

https://youtu.be/TirVp2c6lv8

அரிமாவின் ஆதரவு

அரிமா சங்கம் திருவாரூர் மனுநீதி மூலமாக எம் பள்ளிக்கு PORTABLE WIRELESS AMPLIFIER நன்கொடையாக வழங்கப்பட்டது,இச்சங்கம் ஆருரில் பல சேவைகளை செய்துவருகிறது,அதன் தொடர்ச்சியாக எம் பள்ளிக்கும் இவர்களின் சேவையின் தொடக்கமாய் இந்த AMPLIFIER வழங்கும் விழா 23.07.2013 செவ்வாய் அன்று மாலை நடைப்பெற்றது.இவ்விழாவிற்கு கிராம கல்விக்குழு தலைவர் திரு.KKS.ராஜவேலு அவர்கள் தலைமையில் நடைப்பெற்றது.

விழாவில் அரிமா சங்கம் திருவாரூர் மனுநீதி தலைவர் திரு.Ln.நித்தீஷ்(திருமலை லித்தோஸ்) அவர்களும், சித்த மருத்துவர் Ln.Dr.சரவணன் அவர்களும்,ஒய்வு பெற்ற ஆசிரியர் Ln.K.நாராயணசாமி அவர்களும்,Ln.கலைச்செல்வம்(TNEB) அவர்களும் மற்றும் அரிமா சங்க உறுப்பினர்களும்,கிராம கல்விக்குழு,பள்ளி மேலாண்மைக்குழு மற்றும் பெற்றோர் ஆசிரிய கழக உறுப்பினர்களும்,ஆசிரியர்களும்,மாணவர்களும் கலந்துக்கொண்டனர்.நிறைவாக எம்பள்ளி தலைமையாசிரியை நன்றி கூறினார்.....

கல்வி வளர்ச்சி நாள்

பெருந்தலைவர் காமராஜர் பிறந்தநாள்,கல்வி வளர்ச்சி நாளாக எம்பள்ளியில் 15.07.2013 அன்று கொண்டாடப்பட்டது.இதில் மாணவர்கள் பல தனித்திறமைகளை வெளிப்படுத்தினர்.மாணவர்கள்,

• v  தனிப்பாடல்,குழுபாடல்கள் பாடினர்
• v  ‘பாரதசமுதாயம்’ என்ற சமுதாய விழிப்புணர்வு நாடகம் நடத்தினர்.
• v  மாவட்டங்கள் & மாநிலங்களின் பெயர்களை கூறினர்.
• v  100 பூக்களின் பெயர்களை கூறினர்.
• v  கவிதை
• v  பேச்சு,பாடல்(காமராஜர் பற்றி)

பங்குப்பெற்ற அனைத்து மாணவர்களுக்கு பரிசுகளும்,மற்றவர்களுக்கு இனிப்புகளும் வழங்கப்பட்டது.

ஆசிரியர்கள் காமராஜர் பற்றிய செய்திகளும்,கல்வியின் முக்கியத்துவத்தையும் எடுத்துக்கூறினர்.மேலும் இவ்விழாவில் இந்த ஆண்டுக்கான மாணவர் இலக்கிய மன்றமும்,சுற்றுசூழல் மன்றமும் தொடங்கப்பட்டு,மாணவர்களுக்கான பொறுப்புகள் வழங்கப்பட்டது.

OUR HEARTY THANKS TO ONGC

இவ்வாண்டு இந்திய எண்ணெய் மற்றும் இயற்கை எரிவாயு கழகம்(காவிரி படுகை-நிரவி)-ன் கமலாபுரம் plantலிருந்து எம்பள்ளிக்கு ஆழ்துளை கிணறு மற்றும் நீர்த்தொட்டி அமைத்து தந்துள்ளனர்.....

அவர்களுக்கு எம்பள்ளியின் மனமார்ந்த நன்றிகள்.....

ஆருரின் சின்ன வள்ளுவர்

பா.சுபாஷ் சந்திர போஸ்

பெ/பெ.பாஸ்கர்-தங்கம்,

22,வடக்கு மாட விளாகம்,

திருவரூர்.

ஈன்ற பொழுதிற் பெரிதுவக்கும் தன்மகனை

சான்றோன் எனக்கேட்ட தாய்.

இவர் தமது 9ம் அகவை முதல் 1330 குறளையும் அதற்கான விளக்கமும் கூறி திருவாரூரின் சின்னத் திருவள்ளுவராக வளம் வந்தவர்,பள்ளிகள் தோறும் சென்று சகமாணவர்களுக்கு குறளின் அருமை பெருமைகளைக் கூறி தம் மழலையால் கவர்ந்தவர்,எம் பள்ளிக்கும் வந்திருந்து தமிழின் இனிமையையும்,திருக்குறளின் பெருமைகளையும் கூறியது வியக்க வைத்தது.

இம்மழலையின் சாதனைகளைப் பாரட்டி இவருக்கு பல பட்டங்கள் வழங்கப்பட்டுள்ளன.

    திருவாரூரின் சின்னத் திருவள்ளுவர்,

    திருவாரூரின் திருஞானசம்பந்தர்,

CAR LION CITY வழங்கிய குறள்வேந்தன்,

திருவாரூர் மனிதநேயப் பேரவை வழங்கிய குறள்மணிச்சுடர்,

திருவாரூர் தமிழியக்கம் வழங்கிய பாரதிதாசன் விருது,

இவரது சிறப்பினை தமிழக அரசு பாராட்டி சான்றிதழ் மற்றும் விருது வழங்கியுள்ளது.

மகன்தந்தைக்கு ஆற்றும் உதவி இவன்தந்தை

என்னோற்றான் கொள்எனுஞ் சொல்.

இவர் தொண்டு மேலும் சிறந்து உலகம் முழுவதும் பரவ எம் பள்ளியின் சார்பாக நெஞ்சார்ந்த வாழ்த்துக்களைத் தெரிவித்துக் கொள்கிறோம்.